Shtëpia e Bardhë publikon foton, Trump ndjek operacionin ushtarak në Iran

Shtëpia e Bardhë ka shpërndarë një fotografi ku shfaqet presidenti amerikan Donald Trump, së bashku me sekretarin e Shtetit Marco Rubio dhe zyrtarë të tjerë të lartë, ndërsa ndjekin nga afër operacionet ushtarake të Shteteve të Bashkuara në Iran.

Në përshkrimin e fotos thuhet: “Presidenti Donald J. Trump ndjek operacionet ushtarake amerikane në Iran: Operacioni ‘Furia Epike’, 28 shkurt 2026”.

Sekretarja e shtypit e Shtëpisë së Bardhë, Karoline Leavitt, ka dhënë më shumë detaje mbi veprimet e presidentit pas sulmeve ndaj Iranit. Ajo bëri të ditur se Trump ka zhvilluar biseda telefonike me udhëheqësit e Arabia Saudite, Katar dhe Emiratet e Bashkuara Arabe, si dhe me sekretarin e përgjithshëm të NATO, Mark Rutte.

Ndërkohë, gjatë ditës së sotme janë raportuar sulme ndaj bazave ushtarake në Bahrein, Katar dhe Emiratet e Bashkuara Arabe, teksa Irani ka ndërmarrë këto veprime në formë hakmarrëse pas sulmeve të kryera nga Shtetet e Bashkuara dhe Izraeli, duke rritur ndjeshëm tensionet në rajon.

President Donald J. Trump Monitors U.S. Military Operations in Iran: Operation Epic Fury, February 28, 2026 pic.twitter.com/OfnMkmBZ8G

— The White House (@WhiteHouse) February 28, 2026