Ushtria izraelite: Kemi goditur dhjetëra objektiva që i përkisnin forcave iraniane të sigurisë

Ushtria izraelite ka raportuar se goditi dhjetëra objektiva që i përkisnin Korpusit të Gardës Revolucionare Islamike (IRGC) të Iranit dhe ushtrisë në Teheran gjatë disa orëve të fundit.

Forcat Mbrojtëse të Izraelit, IDF thanë në një deklaratë të dielën se forca ajrore kishte arritur epërsi ajrore mbi kryeqytetin iranian, duke i lejuar ushtrisë të godiste objektiva që i përkisnin IRGC-së, selisë së inteligjencës dhe selisë së sigurisë së brendshme.

Në një konferencë për shtyp, zëdhënësi i IDF-së, gjeneral brigade Effie Defrin, tha se më shumë se 100 avionë morën pjesë në këtë valë sulmesh në Teheran.

“Mesazhi ynë për iranianët është i qartë: ne do të dimë si të arrijmë këdo – në selinë qendrore, në bunkerë dhe kudo tjetër – askush nuk është imun”, tha Defrin.

“Në koordinim dhe kombinim me ushtrinë amerikane, ne filluam fuqishëm dhe do të vazhdojmë fuqishëm”, shtoi ai.