Tensionet në Lindjen e Mesme, Trump: Do të vendosë me Izraelin se kur do t’i japim fund luftës me Iranin

Presidenti i SHBA-së, Donald Trump, tha se do të vendosë, së bashku me Izraelin, se kur do t’i japë fund luftës me Iranin.

Në një intervistë të shkurtër telefonike me The Times of Israel, Trump tha se kryeministri izraelit Benjamin Netanyahu do të jetë pjesë e vendimit, por se Uashingtoni do të ketë fjalën e fundit.

“Mendoj se është e ndërsjellë, pak a shumë. Kemi folur. Do të marr një vendim në kohën e duhur, por gjithçka do të merret në konsideratë”, është shprehur ai.

I pyetur nëse Izraeli mund ta vazhdojë luftën pasi SHBA-të të vendosin të ndalojnë sulmet e tyre, Trump shtoi: “Nuk mendoj se do të jetë e nevojshme”.