Sulme ajrore në Bejrut, Izraeli zhvillon edhe operacione tokësore në Libanin jugor

Disa sulme ajrore tronditën periferitë jugore të Bejrutit gjatë natës, sipas agjencisë shtetërore të lajmeve NNA. Izraeli njoftoi operacione tokësore të kufizuara dhe të synuara kundër Hezbollahut në jug të vendit.

Forcat Mbrojtëse të Izraelit, IDF njoftuan se kryen sulme kundër objektivave të shumta terroriste me qëllim zbutjen e kërcënimeve përpara se ata të kryenin sulme tokësore.

Sulme të shumta u raportuan në të gjithë Libanin jugor. Ministria e shëndetësisë e Libanit tha se 850 persona janë vrarë dhe më shumë se 2,100 të plagosur që nga fillimi i konfliktit, deri në fund të pasdites së së dielës.

Hezbollahu tha se kishte nisur 5 sulme deri të hënën. Të dielën, tha se kishte nisur 25 sulme që synonin vende në Izrael, Lartësitë e Golanit dhe pozicionet e Forcave Mbrojtëse të Izraelit në Liban.