“Malinconia”, Etrita Ibrahimit dhe Simona Karafili sjellin në TKOB recitalin vokal-instrumental

Recitali vokal-instrumental “Malinconia” u ngjit në skenën e Teatrit Kombëtar të Operës dhe Baletit, duke sjellë për publikun një udhëtim artistik që kaloi nga finesa e melodive të buta dhe të rrjedhshme drejt një shprehjeje më intensive dhe të ngarkuar emocionalisht.

Sopranoja Simona Karafili dhe pianistja Etrita Ibrahimi interpretuan një program ku u ndërthuren stile, epoka dhe ndjeshmëri të ndryshme në një linjë të vetme artistike.

Ky koncert instrumental erdhi për publikun shqiptar si një dialog i ndjerë mes zërit dhe pianos.

Të pranishmit përjetuan këtë eksperiencë të veçantë artistike ku çdo frazë muzikore krijoi një atmosferë intime dhe të thellë.