Kreu 4 vjedhje në lokale dhe banesa, vihet në pranga 24-vjeçari në Tiranë

Pas kallëzimeve të marra nga persona të ndryshëm për vjedhje në subjektet dhe banesat e tyre, policia e Tiranës ka nisur hetimet mbi identifikimin e autorit të dyshuar.

Pas veprimeve hetimore, u identifikua dhe u vu në pranga shtetasi me iniciale M. I., 24 vjeç, banues në Tiranë.

Pas verifikimeve nga policia, autori dyshohet se:

-me datë 03.03.2026, ka vjedhur një shumë parash dhe sende me vlerë në banesën e shtetasit Xh. Sh;

-me datë 27.02.2026, ka vjedhur një shumë parash dhe produkte të ndryshme në kioskën e shtetases P. Gj;

-me datë 23.02.2026, ka vjedhur një shumë parash në lokalin e shtetasit A. Ç;

-me datë 02.02.2026, ka vjedhur një shumë parash dhe 3 aparate celular në banesën e shtetasit A. Xh.

Punohet për zbardhjen e vjedhjeve të tjera që mund të ketë kryer ky shtetas.