Ministrja italiane e turizmit, Daniela Santanche jep dorëheqjen

Ministrja italiane e turizmit, Daniela Santanche ka dhënë dorëheqjen, duke iu bindur një thirrjeje për t’u larguar, ndërsa kryeministrja Giorgia Meloni përpiqet të rivendosë besueshmërinë pas një humbjeje të thellë në një referendum që e ka futur qeverinë e saj të ekstremit të djathtë në trazira.

Dorëheqja e Santanche-s erdhi pasi Meloni ndërmori hapin e pazakontë duke kërkuar që ajo të largohej në një deklaratë publike. Meloni dhe ministri i drejtësisë, Carlo Nordio, kanë hedhur poshtë thirrjet e disa udhëheqësve të opozitës për të dhënë dorëheqjen për shkak të referendumit mbi reformat gjyqësore.

Santanche, e cila është nën hetim penal në disa raste që lidhen me interesat e saj të biznesit, deri të mërkurën pasdite i kishte rezistuar presionit për të dhënë dorëheqjen.

Në një deklaratë drejtuar Melonit, Santanche tha se po jepte dorëheqjen, duke shtuar se nuk kishte qenë e gatshme të jepte dorëheqjen menjëherë sepse nuk donte të bëhej “kurban” për humbjen në referendum. Santanche gjithashtu mohon akuzat që rëndojnë ndaj saj.