Sulmet ndaj centralit bërthamor në Iran, paralajmëron kompania ruse: Situata po përkeqësohet

Situata në në centralin bërthamor të Bushehr-it në Iran po përkeqësohet, ka paralajmëruar kreu i korporatës shtetërore bërthamore ruse, Rosatom.

Alexei Likhachev tha se sulmet ndaj uzinës paraqesin një kërcënim të drejtpërdrejtë për sigurinë bërthamore. Uzina e parë bërthamore e Iranit u godit këtë javë, ndërsa Agjencia Ndërkombëtare e Energjisë Atomike paralajmëroi të enjten se sulmet mund të “shkaktojnë një katastrofë të madhe radiologjik”.

Rusia ka përfunduar ndërtimin e uzinës së Bushehr-it, e cila u hap në vitin 2011 dhe furnizohet me uranium të prodhuar në Rusi.

Kremlini i ka dënuar sulmet si “shumë të rrezikshme”, ndërkohë, vetë Rusia është akuzuar disa herë për sulme të papërgjegjshme pranë objekteve bërthamore gjatë luftës së saj ndaj Ukrainës.