Kryetari i Parlamentit iranian: Përgjigja jonë e ashpër do të përshpejtojë rrëzimin e IDF-së

Kryetari i Parlamentit  iranian, Mohammad Bagher Ghalibaf ka deklaruar se reagimi i ashpër i Iranit do të përshpejtojë rrëzimin e vazhdueshëm të ushtrisë izraelite

“Duke përshkallëzuar tensionet dhe duke sulmuar infrastrukturën industriale të Iranit, regjimi kriminal sionist po përpiqet të injorojë këto paralajmërime dhe të rivendosë besimin në kabinetin dhe ushtrinë e tij të korruptuar”, tha ai.

Shefi i Shtabit të Forcave të Mbrojtjes së Izraelit, Eyal Zamir, thuhet se paralajmëroi gjatë një takimi të këshillit të sigurisë të mërkurën se ushtria do të shembet nga brenda, ndërsa përballet me kërkesa operacionale në rritje dhe një mungesë në rritje të personelit.

“Forca e Mbrojtjes së Izraelit tani ka nevojë për një ligj për rekrutimin ushtarak, një ligj për rezervën dhe një ligj për të zgjeruar shërbimin e detyrueshëm”, raportohet të ketë thënë ai.

“Në një kohë të shkurtër, IDF nuk do të jetë gati për misionet e saj të përditshme dhe sistemi rezervë nuk do t’i rezistojë”, shtoi ai.