Ministri i Jashtëm i Pakistanit: Irani pranoi të lejojë anijet pakistaneze të kalojnë Ngushticën e Hormuzit

Irani ka rënë dakord të lejojë 20 anije shtesë me flamur pakistanez të kalojnë nëpër Ngushticën e Hormuzit. Zëvendëskryeministri dhe ministri i jashtëm i Pakistanit, Ishaq Dar ka njoftuar se ishte i kënaqur të ndante lajmin e shkëlqyer pas bisedimeve me zyrtarët e Teheranit.

“Ky është një gjest i mirëpritur dhe konstruktiv nga Irani dhe meriton vlerësim. “Është një paralajmërues paqeje dhe do të ndihmojë në sjelljen e stabilitetit në rajon. Dialogu, diplomacia dhe masa të tilla për ndërtimin e besimit janë e vetmja rrugë përpara”, shtoi ai.

Sipas marrëveshjes, deri në dy anije pakistaneze do të lejohen të kalojnë tranzit në këtë rrugë ujore.

Irani në fakt e ka mbyllur rrugën ujore kyçe për armiqtë e tij që kur Izraeli dhe SHBA-të filluan sulmet ndaj vendit muajin e kaluar. Por ka lejuar një numër të kufizuar anijesh të kalojnë.

Sipas raportimeve, një numër i vogël anijesh pakistaneze janë lejuar të kalojnë nëpër ngushticë javët e fundit.