Humbja ndaj Turqisë, Kurti: Jemi shumë afër madhështisë, forca Kosovë
Pas humbjes së Kosovës 0-1 ndaj Turqisë në ndeshjen kualifikuese për Botërorin, ka reaguar këtë të mërkurë kryeministri i Kosovës, Albin Kurti
Në një postim zyrtar në faqen e tij në Facebook, Kurti shprehet se të gjithë janë të pikëlluar dhe të mërzitur. Sakaq, ai thekson gjithashtu performancën e mirë të Kombëtares së Kosovës, duke thënë se nuk duhen harruar emocionet e jashtëzakonshme që lojtarët e Kosovës kanë dhuruar në të gjitha ndeshjet që ata kanë zhvilluar.
“Të gjithë jemi ende të pikëlluar dhe të mërzitur nga ndeshja e mbrëmshme në stadiumin “Fadil Vokrri”.
Tash na vlon meraku kolektiv: do të mund të bëhej kështu sikur t’ia kishim bërë ashtu, ky apo ai, ose që të dy… E di që kemi dëshiruar një lojë ndryshe e rezultat tjetër, se i tërë kombi donte fitore, por edhe djelmoshat tanë e meritonin gjithashtu.
Por le të mos harrojmë që përfaqësuesja jonë na ka dhënë emocione të jashtëzakonshme duke na bërë krenarë aq shumë sa t’u jemi mirënjohës përgjithmonë e përkrah përherë. Fakti që ishim kaq pranë kualifikimit tregon sa afër madhështisë jemi. Dhe shpejt, aty do të jemi.
Andaj edhe sot e çdo ditë tjetër, forca Kosovë! Faleminderit të gjithë lojtarëve, trajnerit dhe stafit për angazhimin e madh në secilën ndeshje”, ka shkruar Kurti.
Kurti: Jemi të gatshëm për komunikim me opozitën
Kryeministri Rama uron 27-vjetorin e Çlirimit, publikon pamje nga hyrja e trupave të NATO-s në Kosovë
Kurti për zgjedhjen e presidentit: Duhet bërë bashkëpunim me opozitën
- 23:00 Drejtoria e Burgjeve reagon për videon e publikuar nga gazetari Artan Hoxha
- 22:57 Pedagogia Skenderi: Për kë “hiena” e ka fjalën Kryeministri
- 22:19 Ukraina dhe Moldavia drejt BE-së, 27 vendet anëtare bien dakord për hapjen e “Themeloreve”
- 22:15 Trump vendos paqe me Europën: Ndihmuan në arritjen e paqes me Iranin
- 22:13 Begaj në Prishtinë për 27-vjetorin e Çlirimit: Shqipëria do të jetë gjithmonë mbështetje e palëkundur për Kosovën
- 22:04 Netanyahu: Për sa kohë që jam kryeministër, Irani nuk do të ketë kurrë armë bërthamore