Paralajmërimi për rrezik nga Irani, reagon Ambasada Amerikane për Euronews Albania

Një reagim tjetër posaçërisht për Euronews Albania ka ardhur këtë të enjte nga Ambasada Amerikane, lidhur me deklaratën e djeshme të lëshuar nga Ambasada Amerikane në Tiranë ditën e djeshme, për kujdes ndaj kërcënimeve me Iranin.

Për gazetaren e Euronews Albania, Esmeralda Mulaj, zyra e shtypit të Ambasadës Amerikane ka thënë se “administrata Trump nuk ka përparësi më të lartë se siguria dhe mbrojtja e amerikanëve. Ne po bashkëpunojmë ngushtë me autoritetet shqiptare për të vlerësuar situatën dhe për të zbutur rreziqet e sigurisë.”

Reagimi i Ambasadës Amerikane për Euronews Albania:

Përshëndetje, Esmeralda

Faleminderit për kërkesën. Ne ofrojmë përgjigjen e mëposhtme në sfond (on background), që mund t’i atribuohet një zyrtari të ambasadës:

 “Administrata Trump nuk ka përparësi më të lartë se siguria dhe mbrojtja e amerikanëve.  Ne po bashkëpunojmë ngushtë me autoritetet shqiptare për të vlerësuar situatën dhe për të zbutur rreziqet e sigurisë. Ambasada e Shteteve të Bashkuara vlerëson bashkëpunimin e saj të ngushtë në çështjet e sigurisë me Qeverinë e Shqipërisë, e cila ka shfaqur një angazhim të vazhdueshëm për të garantuar sigurinë e qytetarëve amerikanë dhe të gjithë banorëve të Shqipërisë.  Ne do të ofrojmë më shumë informacion sapo të jetë i disponueshëm.”

 Zyra e Marrëdhënieve me Publikun