Ekspozita e parë ndërkombëtare e vezëve të Pashkës hapet në Korçë

Korça është bërë vendi pritës i ekspozitës së parë ndërkombëtare të vezëve të Pashkës, ku artistë nga Ukraina, Polonia dhe Rumania prezantojnë vezë të dekoruara me simbole fetare dhe artistike. Ekspozita u zhvillua në prag të Pashkës ortodokse dhe synon të bëhet traditë në qytet.

Kuratorja Maria Shukulli tha:
“Kjo ekspozitë është e para në Shqipëri dhe rajon. Vezët, përveç simbolikës fetare, përfaqësojnë fillimin e ri dhe gëzimin e jetës. Zgjedhëm Korçën për të shfaqur traditën e pasqyrimit të festës së Pashkës.”

Mitropoliti i Korçës, Hiresia i Tij Anastasi, shtoi se veza simbolizon jetën e re, të ringjallur me Krishtin, duke u bërë një mësim për gëzimin dhe shpresën që festa përçon. Ekspozita do të qëndrojë e hapur për disa ditë.