Aksident në Berat–Poliçan, makina bie nga një lartësi disa metra, plagoset babai me dy vajzat e tij

Një aksident rrugor është regjistruar në fshatin Vërtop, përgjatë aksit nacional Berat–Poliçan, në territorin e bashkisë Poliçan.

Një automjet tip Toyota ka dalë nga rruga dhe ka rënë nga një lartësi disa metra, pasi po udhëtonte nga Berati në drejtim të Poliçanit.

Si pasojë e aksidentit është plagosur një familja prej tre personash: drejtuesi i mjetit, shtetasi E. Sh., 40 vjeç, dhe dy vajzat e tij, 14 dhe 9 vjeçe. Të plagosurit janë transportuar me ambulancë drejt Spitalit Rajonal të Beratit, ku po marrin kujdes mjekësor.

Në vendngjarje kanë mbërritur forca të shumta policie, të cilat po kryejnë këqyrjen e vendit të aksidentit për të përcaktuar shkaqet dhe dinamikën e ngjarjes.