VIDEO/ Zjarr në Dorëz të Librazhdit, shkrumbohet një bujtinë

Një zjarr ka përfshirë këtë të shtunë një bujtinë në fshatin Dorëz, në Njësinë Administrative Qendër të Librazhdit, duke shkaktuar dëme të konsiderueshme materiale.

Sipas informacionit paraprak, objekti me konstruksion druri është përfshirë nga flakët ndërsa është djegur rreth 80 metra katrorë sipërfaqe, përfshirë ambientet e kuzhinës, një dhome dhe tualetit.

Bujtina përdorej për aktivitet turistik dhe përbënte një burim të ardhurash për familjen pronare.

Fatmirësisht, nga ngjarja nuk raportohet për persona të lënduar.

Ndërkohë, autoritetet po vijojnë hetimet për zbardhjen e plotë të shkaqeve të zjarrit.