Vrau Xhemal Metën, Gjykata e Apelit dënon me burgim të përjetshëm Isuf Hasën

Gjykata e Apelit ka dënuar me burgim të përjetshëm Isuf Hasën, autori i vrasjes së fqinjit të tij, Xhemal Meta. 64-vjeçari akuzohej për veprën penale ‘Vjedhja me pasojë vdekjen’.

Vrasja ndodhi më 13 janar të 2025, në Shëngjergj të Tiranës. Sipas policisë 81-vjeçari Xhemal Meta gjeti vdekjen pasi u qëllua në kokë me një mjet të forta, çekiç, nga Hasa.

Ai ka pranuar para prokurorisë se goditi viktimën pas një grindje për arsye të akumuluara gjatë kohës. Sipas 64-vjeçarit, shkak i konflikteve ishin ngacmimet e viktimës, i cili shpesh i thoshte: “Nuk je burrë, rri 4 ditë në punë dhe nuk di çfarë bëhet me gruan tënde”.

Pas kësaj grindjeje verbale, Hasa ka goditur viktimën dhe ka marrë nga trupi i tij sasinë e parave që mbante gjithnjë me vete, të lidhura me një qese në qafë. Ekspertiza mjeko-ligjore provoi se viktima humbi jetën si pasojë e dëmtimeve të forta në kokë, të cilat u shkaktuan nga mjete të forta si çekiç