EMRI/ Plagosi rëndë një person në 2023-in, arrestohet në Shëngjin 22-vjeçari i shpallur në kërkim

Një 22-vjeçar është vënë në pranga nga policia e Lezhës. Mësohet se i riu i identifikuar si Gabriel Marku u kap në Shëngjin. Ai në bashkëpunim me vëllanë e tij plagosi rëndë një person në vitin 2023 në Gjadër.

Ai ishte në kërkim pasi Gjykata e Lezhës i ka caktuar masën e sigurisë “Arrest në burg”, në mungesë për veprën penale “Plagosja e rëndë me dashje”, kryer në bashkëpunim. Vëllai i tij është arrestuar në nëntor te 2023.

“DVP Lezhë/ Në vitin 2023, në bashkëpunim me vëllanë, plagosi rëndë, një shtetas, kapet në Shëngjin, 22-vjeçari.

Si rezultat i administrimit të shpejtë të informacionit të siguruar në rrugë operative, për vendndodhjen e një shtetasi në kërkim për krim kundër personit, specialistët e Seksionit për Hetimin e Krimeve ndaj Personit, në bashkëpunim me specialistët e Seksionit për Mbështetje Operacionale dhe me shërbimet e Forcës së Posaçme “Shqiponja”, kapën në Shëngjin, shtetasin e akuzuar, G. M., 22 vjeç, banues në fshatin Ishull Shëngjin.

22-vjeçari ishte në kërkim pasi Gjykata e Lezhës, në vitin 2023, i ka caktuar masën e sigurisë “Arrest në burg”, në mungesë, për veprën penale “Plagosja e rëndë me dashje”, kryer në bashkëpunim.

Nga veprimet hetimore dyshohet se në muajin gusht, 2023, në fshatin Gjadër, i ndaluari ka bashkëpunuar me vëllanë e tij, shtetasin E. M. (të arrestuar në muajin nëntor, 2023), për plagosjen e rëndë, me armë zjarri, të shtetasit D. Gj..

Materialet procedurale iu referuan Prokurorisë së Lezhës, për veprime të mëtejshme”, njofton policia.