Të shtënat në Tiranë, identifikohet i plagosuri! Reagon policia: Po punohet për kapjen e autorit

Të shtëna me armë zjarri janë regjistruar pasditen e kësaj të premte në Tiranë. I plagosur ka mbetur një person i cili është identifikuar si Ilirjan Dosti rreth 45 vjeç.

Lidhur me ngjarjen, policia ka dalë me një reagim zyrtar ndërsa bën me dije se plagosja ka ndodhur rreth orës 19:10 në një lokal në rrugën “Imer Ndregjoni”.

I plagosuri ndodhet në spital ndërsa policia po punon për identifikimin e kapjen e autorit. Grupi hetimor po punon për sqarimin e plotë të rrethanave të ngjarjes.

“Tiranë/Informacion paraprak. Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.

Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit”, njofton policia.