Fitorja e opozitës hungareze, Berisha: Atje nuk u mor vula dhe logoja e partisë kryesore opozitare me urdhër politik

Kreu i PD-së, Sali Berisha gjatë fjalës së tij nga protesta ka bërë një krahasim mes opozitës në Hungari dhe në Shqipëri. Ai listoi disa faktorë që sipas tij kanë ndikuar që opozita në Shqipëri të mos fitojë zgjedhjet krahasuar me opozitën hungareze e cila triumfoi ndaj Orban pas 16 vitesh në pushtet.

Ai u shpreh se në Hungari nuk u mbyll TikTik-u dhe nuk u arrestua lideri i opozitës në periudhe zgjedhore. Berisha shtoi ndër të tjera se atje nuk u mor vula dhe logoja e partisë kryesore opozitare me urdhër politik.

“Miqtë e mi ka një ndryshim thembësor mes opozitës në Hungari dhe opozitës në Shqipëri që nuk e permend mafia e zeze e fjalës së lirë e cila trillon dhe manipulon dhe mashtron 24 orë në 7 ditë në jave opinion publik për të mbrojtur regjimin që i ushqen.

Ata krahasojnë të pakrahasueshmen. Në Hungari nuk u arrestua lideri i opozitës në periudhe zgjedhore. Nuk u mor vula dhe logoja e partisë kryesore opozitare me urdhër politike. Në Hungari, qeveria nuk shpërndau 100 euro për pensionistët për të blerë votën në mes të fushatës zgjedhore siç bëri Edi Rama.

Në Hungari votën e qytetarëve nuk e kontrolluan kartelet me të rrezikshme ne Evropë siç e kontrolluan në qytetet e Shqipërisë si Durrësi, Elbasani, Shkodra, Fieri, me miliardat e tyre të krimit.

Në zgjedhjet ne Hungari qeveria nuk fali gjoba dha kamatat e 10 viteve 2 ditë para zgjedhjeve siç bëri narkodiktatori në zgjedhjet në vend. Në Shqiperi 90% e mediave të kontrolluara nga Rama dhe mbjellin çdo ditë mashtrim për opozitën. Atje tiktoku nuk u bllokua.”, tha Berisha.