Armëpushimi SHBA-Iran, Teherani rihapë gjashtë aeroporte

Vetëm pak ditë para se të skadojë armëpushimi dyjavor me SHBA-në, ka disa indikacione pozitive krahas situatës komplekse në Ngushticën e Hormuzit.

Hapësira ajrore lindore e Iranit është rihapur dhe informacioni i radarit të fluturimeve tregon të paktën dy fluturime mbi qiellin iranian në orët e fundit.

Përveç dy aeroporteve të përmendura tashmë, thuhet se do të rihapen edhe katër të tjerë, duke e çuar numrin e përgjithshëm në gjashtë.

Zona ngjitur me aeroportin e Mehrabad-it përjetoi bombardime të rënda gjatë 40 ditëve të luftës nga sulmet amerikane dhe izraelite, kështu që fakti që është ende funksional është një zhvillim i rëndësishëm në vetvete, duke pasur parasysh dëmet infrastrukturore që u pësuan.

Gjithashtu është raportuar nga burimet lokale se linjat ajrore po përgatiten të operojnë fluturime vendase dhe ndërkombëtare. Por duhet të kemi parasysh se po përballemi me një situatë të brishtë dhe po e vëzhgojmë nga afër nëse do të ketë më shumë fluturime.