Dekonspirimi i aksioneve policore, Apeli i GJKKO lë në fuqi dënimet për Çyrbjan dhe 2 të pandehurit e tjerë

Apeli i Gjykatës së Posaçme la në fuqi vendimin e Shkallës së Parë për ish-deputetin e PS Jurgis Çyrbja, Altin Hajrin dhe Ahmet Mashën.

Çyrbja kërkonte pafajësi, ndërkohë që në Shkallën e Parë ish-deputeti u dënua nga GJKKO me 3 vite burg, dënim që u reduktua në 2 vite për shkak të gjykimit të shkurtuar.

Altin Hajri u dënua me 3 vite burg ndërsa Ahmet Masha me 2 vite burg. Çyrbja u arrestua më 20 tetor 2024 ndërsa u lirua nga qelia më 21 shkurt 2026.

Nga hetimet rezultoi se në të paktën 8 episode gjatë periudhës 1 maj 2020 deri më 8 mars 2021, Çyrbja kishte ofruar të dhëna të sistemit “TIMS”, si edhe të disa informacioneve sekrete të Drejtorisë së Përgjithshme të Policisë së Shtetit, duke dekonspiruar disa operacione policore.