EMRI/ U transferua nga burgu i Peqinit në Burrel, të dënuarit me burgim të përjetshëm i gjendet lëndë narkotike

Drejtoria e Përgjithshme e Burgjeve me urdhër të Drejtorit të Përgjithshëm, Adriatik Kupi ka kryer transferimin e të dënuarit me burgim të përjetshëm, Miklovan Parubi nga burgu i Peqinit në burgun e Burrelit. Sipas njoftimit transferimi ka ndodhur për arsye sigurie.

Gjatë kontrollit të imtësishëm të ushtruar në burgun e Burrelit, mësohet se në materialet personale të të dënuarit është gjetur i fshehur në një çorape, një qese e vogël e dyshuar si lëndë narkotike.

Menjëherë janë njoftuar drejtuesit e institucionit, Shërbimi i Kontrollit të Brendshëm në Sistemin e Burgjeve si dhe Komisariati i Policisë Burrel, i cili ka marrë në dorëzim materialin për kryerjen e ekspertizës përkatëse. Ngjarja po ndiqet sipas procedurave ligjore në fuqi.