Ambasada e SHBA në Tiranë shpërndan postimin: Artistët amerikanë u bashkuan me shqiptarët për “America week”

Ambasada e Shteteve të Bashkuara në Tiranë ka publikuar një postim ku bën të ditur se American Corner Tirana ka mirëpritur grupin e muzikës moderne “Flagship” nga Naval Forces Europe and Africa Band, në kuadër të nisjes së “America Week”.

Sipas postimit të ambasadës, artistët amerikanë u bashkuan në një “jam session” me muzikantë të rinj dhe të talentuar shqiptarë, duke promovuar shkëmbimin kulturor përmes muzikës.

Grupi “Flagship”, i njohur për repertorin e tij bashkëkohor, solli energji dhe ritme moderne në këtë aktivitet që shënon fillimin e javës kushtuar kulturës amerikane në vend.