Do të shoqërojë Trumpin në Kinë, Pete Hegseth: Presidenti do marrë të gjitha vendimet

Sekretari amerikan i Mbrojtjes, Pete Hegseth, deklaroi të martën se do të shoqërojë presidentin Donald Trump në vizitën e tij të ardhshme në Kinë, në një kohë kur mbetet e paqartë situata rreth armëpushimit me Iranin.

I pyetur nga ligjvënësit për statusin e shitjeve të armëve drejt Tajvanit, Hegseth tha se Trump do të marrë vendimet përkatëse gjatë udhëtimit.

“Presidenti është në prag të një udhëtimi dhe unë do të jem me të, dhe ai do të marrë të gjitha vendimet që lidhen me këtë”, u shpreh ai.

Trump pritet të niset nga Uashingtoni drejt Pekinit gjatë pasdites së të martës.

Ndërkohë, ambasadori iranian në Kinë deklaroi se Pekini “mund të jetë një forcë e rëndësishme për uljen e tensioneve” mes SHBA-së dhe Iranit.

Një ditë më parë, Trump tha se armëpushimi me Iranin ndodhet në “mbështetje masive të jetës” dhe mbetet “jashtëzakonisht i dobët”. Nga ana tjetër, Hegseth ka theksuar se ushtria amerikane është e gatshme të rifillojë operacionet kundër Iranit nëse merr urdhër për këtë.