RENEA kontrolle në Mirditë pas dyshimeve për hyrjen e Elson Reçit në Shqipëri

Policia e Shtetit dhe forcat speciale RENEA kanë zhvilluar kontrolle të shumta në territorin e Mirditës, pas informacioneve operative se në Shqipëri mund të kishte hyrë Elson Reçi, i shpallur në kërkim nga SPAK që prej 15 majit 2024.

Gjatë operacionit, efektivët ushtruan kontrolle në banesën e tij në Mirditë, si edhe në disa ambiente të tjera të dyshuara, por pa rezultat, pasi ai nuk u lokalizua.

Më pas, nga verifikimet e kryera, u konstatua se në vend kishte hyrë vëllai i tij dhe jo vetë Elson Reçi, duke e konsideruar informacionin fillestar të pasaktë.

Elson Reçi akuzohet nga SPAK për sigurimin e kushteve dhe mjeteve materiale për kryerjen e vrasjes së Preng Gjinit. Ai është nipi i Kastriot Reçit, i cili u ekzekutua me snajper në Rrëshen më 7 janar 2020.