Shqipëria mes vendeve me sigurinë më të ulët në punë në Europë, ja sektorët më të rrezikshëm

16 Maj 2026 | 17:52

Siguria në vendin e punës mbetet një nga problemet më serioze për tregun shqiptar të punës. Vendi ynë renditet mes vendeve me nivelin më të ulët të mbrojtjes për punonjësit në Europë.

Të dhënat ndërkombëtare tregojnë se Shqipëria regjistron rreth 3.4 humbje jete në punë për çdo 100 mijë të punësuar, shifër më e lartë se mesatarja europiane. Rastet më të shumta të aksidenteve raportohen në sektorin e ndërtimit, industrinë përpunuese dhe bujqësi, ku punonjësit shpesh përballen me mungesë të pajisjeve mbrojtëse dhe kushte të pasigurta pune.

Një nga problemet kryesore mbetet informaliteti, pasi shumë punonjës rezultojnë të pasiguruar ose punojnë pa kontrata të rregullta. Kontrollet për standardet e sigurisë janë më të pakta dhe përgjegjësia e punëdhënësve shpesh shmanget. Bizneset e vogla janë ato që investojnë më pak në mbrojtjen e punonjësve, duke mos garantuar pajisje sigurie, trajnim profesional apo kushte të përshtatshme në ambientet e punës.

Në sektorin e ndërtimit, i cili konsiderohet ndër më të rrezikshmit, aksidentet lidhen kryesisht me mungesën e skelave mbrojtëse, pajisjeve të amortizuara dhe mosrespektimin e rregullave teknike. Ndërkohë, në bujqësi problem mbeten përdorimi i mjeteve të pasigurta dhe mungesa e trajnimit për përdorimin e pesticideve apo makinerive. Edhe në industri raportohen raste të dëmtimeve serioze për shkak të kushteve të papërshtatshme në linjat e prodhimit.

Të dhënat tregojnë gjithashtu se numri i inspektimeve në vendet e punës mbetet i kufizuar krahasuar me vendet e Bashkimit Europian. Ekspertët vlerësojnë se nevojiten më shumë investime në teknologji, trajnime dhe ndërgjegjësim, në mënyrë që aksidentet në punë të reduktohen dhe kushtet për punëmarrësit të afrohen me standardet europiane

Home Kryefaqja
Shiko në: YouTube
Lajme të Sugjeruara

Vrasja e policit në Korçë, reagon Rama: Nderim përjetë Dëshmorit të Atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë. Nga përplasja me armë humb i jetën...
09:31 | 04/06/2026

Policia del me njoftim zyrtar: Si u vra efektivi dhe u plagos kolegu i tij, detajet nga operacioni

Një punonjës policie ka humbur jetën dhe një tjetër ka mbetur i plagosur gjatë një operacioni policor në zonën e Lozhanit, në malin Boden, Bashkia...
09:08 | 04/06/2026