Ambasadorja Yuri Kim inkurajon SPAK-un për rezultate të reja

Ambasadorja e Shteteve të Bashkuara të Amerikës në Tiranë, Yuri Kim është takuar këtë të premte me shefin e Sektorit të Krimit të Organizuar në SPAK, Altin Dumani.

Kryediplomatja amerikane ka shprehur mbështetjen e saj për punën e Strukturës së Posaçme kundër Korrupsionit dhe Krimit të Organizuar (SPAK) sa i takon vendimeve të fundit.

“U takova sot me Altin Dumanin, shefin e Seksionit të Krimit të Organizuar të SPAK, për të shprehur vlerësimin për ndjekjet e shumta që kanë rezultuar me burgim dhe konfiskim të pasurisë”, shkruan Yuri Kim.

I met Altin Dumani, chief of SPAK’s Organized Crime Section, today to express appreciation for numerous prosecutions that have resulted in imprisonment & asset confiscation (https://t.co/2W3UcH5Fc5). SPAK will deliver more & more results that show no one is above the law.

— Ambassador Yuri Kim (@USAmbAlbania) June 25, 2021

Znj. Kim thotë se pret rezultate të tjera në zbatimin e ligjit, ndërsa inkurajon SPAK-un të dëshmojë se askush nuk është mbi ligjin.

“SPAK do të japë edhe më shumë rezultate që tregojnë se askush nuk është mbi ligjin”, shkruan ambasadorja Yuri Kim.

LEXONI GJITHASHTU: 

• Yuri Kim: Reforma në drejtësi, po aq e rëndësishme sa malet për historinë e Shqipërisë