Pesë shqiptarë arrestohen në Dubai për drogë, pritet ekstradimi drejt Shqipërisë

Nisur nga hetimet me homologët në Abu Dhabi, janë kapur dhe arrestuar në Dubai me qëllim ekstradimin në Shqipëri, 5 shtetas të shpallur në kërkim ndërkombëtar, të kërkuar nga SPAK-u. 

4 prej tyre, konkretisht Kristo Qirici 44 vjeç, Shkelzen Kraja 44 vjeç, Ilir Lazri 30 vjeç, Aleks Pepaj 38 vjeç, janë të dyshuar për veprimtari kriminale në fushën e narkotikëve.  

Shtetasi Merxhan Celiku 34 vjeç, është i dyshuar për mashtrim kompjuterik.

Gjithashtu, vijon bashkëpunimi për verifikimin e një shtetasi tjetër shqiptar që ndodhet në Dubai, i cili dyshohet se përdor dokumente false.

Interpol Tirana vijon bashkëpunimin për finalizimin e procedurave të ekstradimit në Shqipëri, të 5 shtetasve të kapur në Dubai.