Dështoi të kualifikonte Monaco-n në Ligën e Kampionëve, shkarkohet trajneri Sebastien Pocognoli

Skuadra e Ligue 1, Monaco, shkarkoi trajnerin Sebastien Pocognoli të hënën pas një fundi zhgënjyes të sezonit. Edhe pse Monaco ishte pranë një fitoreje të papritur, klubi humbi me rezultatin 5-4 ndaj Paris Saint-Germain në ndeshjen eliminatore të Ligës së Kampionëve.

Skuadra e Pocognolit u dobësua në Ligue 1 dhe humbi kualifikimin në Ligën e Kampionëve për sezonin e ardhshëm pasi u rendit në vendin e shtatë.

Pocognoli u bashkua në tetor si zëvendësim për Adi Hutter dhe nënshkroi një kontratë deri në qershor 2027. Ai humbi 13 nga 38 ndeshje gjithsej.

“Klubi dëshiron të falënderojë Sebastien Pocognoli-n dhe stafin e tij për përkushtimin e tyre të plotë ndaj Monacos dhe u uron gjithë të mirat”, tha klubi në një deklaratë.