Arrestohet çift britanik në Spanjë, shkuan në festë dhe lanë fëmijët në hotel! Foshnja rezultoi pozitiv për kokainë

Një çift britanik është arrestuar nga autoritetet spanjolle në Costa del Sol në Spanjën jugore, pasi dyshohet se i lanë tre fëmijët e tyre të mitur vetëm në një hotel për të shkuar në një festë.

Rasti mori përmasa edhe më serioze kur fëmija më i vogël në familje, një foshnjë vetëm gjashtë muajshe, thuhet se rezultoi pozitiv për kokainë gjatë testeve mjekësore. Fëmija më i madh në familje kujdesej për vëllezërit e motrat e tij.

Policia ka konfirmuar arrestimin e një burri 41-vjeçar dhe një gruaje 28-vjeçare me akuzën e braktisjes së fëmijëve. Tre fëmijët e tyre, gjashtë muajsh, dy dhe katër vjeç, u gjetën vetëm në një dhomë hoteli në Benalmadena, një destinacion i njohur turistik në Costa del Sol, pranë Malagas në Spanjën jugore.

Burime të cituara nga mediat spanjolle i përshkruan kushtet në të cilat u gjetën fëmijët, shqetësuese. Dhoma thuhet se ishte në një gjendje rrëmuje, ndërsa më i madhi nga tre fëmijët kishte marrë përsipër kujdesin e vëllezërve dhe motrave të tij më të vegjël.

Një zëdhënës i policisë spanjolle konfirmoi arrestimet, por nuk pranoi të komentojë mbi raportet se foshnja rezultoi pozitive për kokainë , duke përmendur se hetimi është në vazhdim.