Protestuesit nga diaspora do ta gdhijnë para Kryeministrisë, detajet çfarë pritet të ndodhë në protestë

Shqiptarët e ardhur nga diaspora, të cilët iu bashkuan protestës së kësaj të shtune në Tiranë, kanë vendosur që ta kalojnë natën në sheshin para Kryeministrisë ndërsa kanë ftuar t’u bashkohen të gjithë qytetarët që dëshirojnë të qëndrojnë me ta në vijim të protestës.

“Diaspora do ta gdhijë në shesh”, thonë burime nga protestuesit, ndërsa pas përfundimit të fjalimeve është vendosur që protestuesit të vijojnë me një marshim rreth godinës së Kryeministrisë dhe Piramidës së Tiranës, me simbolikën e rrethimit të institucionit.

Kjo e shtunë shënon ditën e 21-të të protestës së aktivistëve dhe qytetarëve kundër qeverisë. Pjesëmarrja e diasporës ka rritur ndjeshëm numrin e protestuesve të mbledhur para Kryeministrisë.