U sulmua një javë më parë nga peshkaqeni në plazhin e Sidneit, zgjohet nga koma 34-vjeçarja
Një grua që u sulmua nga një peshkaqen më shumë se një javë më parë, ndërsa po notonte në një plazh të njohur të Sidneit, është zgjuar nga një gjendje kome e induktuar, tha familja e saj.
Leah Stewart u sulmua nga një peshkaqen të shtunën, më 13 qershor, në plazhin Coogee, duke rezultuar në kafshime të shumta në krahë dhe këmbë dhe humbje të shumëtë të gjakut.
Nëna 34-vjeçare u dërgua në spital në gjendje kritike dhe iu nënshtrua disa ndërhyrjeve kirurgjikale, përfshirë amputimin e dorës.
Të martën, vëllai i saj tha se mjekët ia kishin zvogëluar ilaçet Stewart-it në mënyrë që ajo të zgjohej për pak kohë nga koma e shkaktuar. Duke hapur sytë, ajo i tha “Ju dua” nënës dhe partnerit të saj, të cilët ishin pranë shtratit të saj, dhe i pyeti nëse vajza e saj ishte mirë.
“Ndodhi shumë më shpejt nga sa priste kushdo dhe për ne ndihet si një mrekulli. Kjo është ajo që kemi shpresuar dhe lutur gjatë javës së kaluar”, shkroi Joshua Stewart në një mesazh online drejtuar mbështetësve të motrës së tij.
Ai tha gjithashtu se motra e tij mbetet në njësinë e kujdesit intensiv dhe iu nënshtrua pesë ditësh ndërhyrjeje kirurgjikale, me më shumë që priten në javët në vijim.
Stewart, e cila punon si mësuese, kishte shkuar në plazhin Coogee të shtunën në mëngjes për të notuar dhe ndodhej në ujë pranë bregut kur u sulmua.
Australia është goditur nga një numër sulmesh këtë vit. Katër prej tyre ndodhën brenda një periudhe dy-ditore në janar, përfshirë një sulm ndaj një djali të vogël i cili ndërroi jetë në spital nga plagët e marra.
Muajin e kaluar, pati dy sulme fatale nga peshkaqenë, ku një burrë humbi jetën në Queensland ndërsa peshkonte me snajper, ndërsa në Australinë Perëndimore, 38-vjeçari Steven Mataboni, baba i dy fëmijëve, vdiq pasi u sulmua nga një peshkaqen katër metra i gjatë.
Të shtëna me armë pranë Ambasadës Amerikane në Bejrut, ndërhyn ushtria
BE merr masa për të forcuar Europol-in kundër krimit dixhital dhe ndërkufitar
Mblidhet Bordi i Paqes për Gazën, zbulohet vendi dhe arsyeja e takimit
- 14:00 Djali i ish Presidentit Hashim Thaçi takon Edi Ramën: Faleminderit për mbështetjen ndaj UÇK-së
- 14:00 Të shtëna me armë pranë Ambasadës Amerikane në Bejrut, ndërhyn ushtria
- 13:52 BE merr masa për të forcuar Europol-in kundër krimit dixhital dhe ndërkufitar
- 13:50 Mblidhet Bordi i Paqes për Gazën, zbulohet vendi dhe arsyeja e takimit
- 13:31 Kërkesat e protestuesve, Berisha: Kufizimi i mandatit të kryeministrit në 2 mandate, PD plotësisht dakord
- 13:29 Trump zgjat me një vit gjendjen e emergjencës kombëtare në Ballkanin Perëndimor, lihen në fuqi edhe sanksionet