Momente paniku në Madrid, qindra persona evakuohen nga zjarri në rrokaqiellin 49-katësh
Një zjarr që shpërtheu pasditen e së martës në një rrokaqiell në Madrid është vënë nën kontroll nga shërbimet zjarrfikëse.
Ndërtesa 49-katëshe, ku ndodhen zyrat e kompanisë së energjisë Moeve, në zonën financiare të kryeqytetit spanjoll, u evakuua menjëherë pasi nga disa kate nisi të dilte tym i dendur.
Sipas policisë lokale, nuk raportohet për persona të lënduar. Një dëshmitar tha se iu desh të zbriste 34 kate në këmbë për t’u larguar nga ndërtesa.
Një tjetër dëshmitare i tha Reuters se kishte parë dhe ndier erën e tymit përpara se të aktivizohej alarmi i emergjencës. Pamjet e publikuara në rrjetet sociale dhe mediat lokale tregonin shtëllunga të mëdha tymi që dilnin nga katet e mesme të godinës.
Tymi ishte i dukshëm nga një distancë e madhe, çka bëri që autoritetet të urdhëronin evakuimin e menjëhershëm të ndërtesës dhe të nisnin kërkimet për tre persona që dyshohej se ndodheshin ende brenda.
Sipas agjencisë Europa Press, në vendngjarje u angazhuan forca të shumta zjarrfikëse dhe ekipe emergjence, të cilat punuan për neutralizimin e flakëve dhe verifikimin e sigurisë së objektit përpara se të lejohej rikthimi i personelit.
Një punonjës i një ndërtese pranë vendit të ngjarjes përshkroi momente tensioni gjatë evakuimit, por theksoi se procesi u zhvillua në mënyrë të organizuar falë stërvitjeve të mëparshme të sigurisë.
“Njerëzit po vraponin, por kishte qetësi. Qindra persona janë evakuuar nga ndërtesat”, tha ai.
Kulla, e njohur deri vonë si Torre Foster, është në pronësi të kompanisë Pontegadea të biznesmenit Amancio Ortega që prej vitit 2016, kur u ble për rreth 490 milionë euro. Me 248 metra lartësi dhe 49 kate, ajo renditet ndër rrokaqiejt më të lartë në Spanjë dhe është pjesë e kompleksit Cuatro Torres Business Area në Madrid.
Mediat spanjolle raportojnë se ndërtesa është përballur edhe më parë me një incident të ngjashëm, duke rikthyer në vëmendje diskutimet mbi standardet e sigurisë në objekte të kësaj përmase.
Autoritetet po vijojnë hetimet për të përcaktuar shkaqet e zjarrit.
Hace unos 15 minutos se oyó una explosión en la torre de Moeve, en la 4 torres en Madrid pic.twitter.com/gChyIEGIe1
— ArturoCrosby (@ArturoCrosby) June 23, 2026
#ULTIMAHORA 🔴| Incendio en la torre de Moeve en Madrid. pic.twitter.com/h0DnA1UNil
— Usuario de X (@usuari0dx) June 23, 2026
SHBA, Britania dhe aleatët paralajmërojnë: Modelet e reja të AI-së po rrisin rrezikun e sulmeve kibernetike
U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
Më afër se Hëna, një asteroid “krejtësisht i padëmshëm” së shpejti do të kalojë pranë Tokës
- 18:11 SHBA, Britania dhe aleatët paralajmërojnë: Modelet e reja të AI-së po rrisin rrezikun e sulmeve kibernetike
- 18:02 ISHP: Kujdes nga vapa, ja problematika shëndetësore që shkakton
- 17:55 Haziri: Vjosa Osmani mbetet emri i vetëm i LDK-së për presidente, askush mbi Republikën
- 17:53 INSTAT: 1,5 milionë vizitorë në institucionet e trashëgimisë kulturore gjatë 2025-ës
- 17:38 U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim
- 17:36 E hëna dhe e marta ishin ditët më të nxehta për muajin qershor në Spanjë që nga viti 1950