Negociatat me LVV, pse po hesht PDK? Analisti: Pritet me padurim gjyqi për krerët e UÇK

Analisti Valon Berisha, i ftuar këtë të premte në Euronews Albania, ka deklaruar se Partia Demokratike e Kosovës, PDK, po kalon një lloj anomalie të brendshme politike, e cila po ndikon në mungesën e një qëndrimi të prerë lidhur me procesin e zgjedhjes së presidentit të ri.

Sipas tij, partia është në pritje të vendimit të Gjykatës së Hagës për lirimin e ish-krerëve të saj, Hashim Thaçi dhe Kadri Veseli, një vendim ky që pritet të shpallet brenda pak ditësh.

“Në fakt edhe Partia Demokratike e Kosovës është në një anamolie të brendshme politike të saj. Sepse nga njëra anë është po me të drejtë thoni ju, kur pritet vendimi për lirimin e zotit Thaçi dhe Kadri Veselit dhe të tjerëve, pritet me padurim ky vendim, i cili do të shpallet brenda pak ditëve. Po në anën tjetër, gjithashtu Partia Demokratike e Kosovës e ka një kryetar i cili ka bërë të ditur për opinionin e gjerë që do të ketë një thirrje për një kuvend zgjedhor e të tjera brenda brenda PDK-së.

Gjithashtu duke parë edhe pozicionin e aktorëve të tjerë brenda PDK-së, mendoj që edhe kryetari i tanishëm nuk është, nuk është dhe nuk do të jetë në gjendje që të dalë me një qëndrim të fuqishëm nga PDK-ja në mënyrë që të ketë eventualisht një koalicion apo një bashkëpunim me Vetëvendosjen. Dhe mendoj që kjo nuk do të jetë e mundur”, u shpreh ai.

View this post on Instagram

A post shared by Euronews Albania (@euronews_albania)