Lihen në burg 2 autorët për plagosjen e Brian Syzos në Pogradec

Gjykata e Korçës ka vendosur masën “arrest me burg” për Nikollas Agollin dhe David Priftin, të dy të arrestuar për plagosjen e Brian Syzos disa ditë më parë në Pogradec.

Gjatë seancës, autori Nikollas Agolli ka pranuar se ka qenë ai që ka qëlluar me armë, ndërsa ka shtuar se këtë veprim e ka bërë për t’u hakmarrë, pasi vëllai i Brian Syzos e ka rrahur dhe plagosur me thikë.

“E bëra. E godita. Jo me qëllimin për ta vrarë. Unë e godita në këmbë që ai të kuptonte çfarë do të thotë të plagosësh dikë. Siç më rrahën mua e më plagosën vjet. Kam qenë vetëm në makinë”, ka thënë Nikollas Agolli.

Ndërsa David Prifti nuk ka pranuar akuzën, duke u shprehur se në momentin e ngjarjes nuk ka qenë me Agollin, por tjetërkund.