Deklarata e Ramës për negociatat, Basha: Autokratët e korruptuar kanë guximin të hedhin fajin te BE

Kryetari i Partisë Demokratike, Lulzim Basha ka reaguar pas deklaratës së kryeministrit Edi Rama në “Forumin e Prespës” për negociatat me Bashkimin Europian.

Përmes një postimi në Twitter, kryedemokrati thekson se autokratët e korruptuar të Ballkanit, duke shigjetuar kështu Ramën, kanë guximin që të hedhin fajin tek BE-ja për këtë proces.

“Autokratët e korruptuar të Ballkanit kanë guximin të hedhin fajin për mungesën e përparimit në BE, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe aspiratat e njerëzve të Ballkanit Perëndimor”, shkruan ndër të tjera z. Basha.

There was a time….when EU officials like Reinhard Priebe spoke out on Balkan’s autocrats’ transgressions on Democracy and Rule of Law, and Balkan Prime Ministers and their cohorts shivered, reflected or were voted out. It seems for the moment the tables have turned.

— Lulzim Basha (@lulzimbasha_al) July 2, 2021

Gjatë konferencës së sotme në Ohër, kreu i qeverisë bëri thirrje për një bashkëpunim më të madh mes vendeve të rajonit, në mënyrë që të mos mbeten peng i vendimmarrjes së BE dhe konflikteve të vjetra.

Teksa risolli në vëmendje konfliktet që ende ekzistojnë në rajon, siç është ai mes Kosovës dhe Serbisë, kreu i qeverisë shqiptare u shpreh se ky konflikt nuk duhet të pengojë vendet e tjera të rajonit që të zhvillohen.

LEXONI GJITHASHTU:

• Rama në Forumin e Prespës: S’kemi pse presim BE për të bashkëpunuar, të heqim kufijtë për njerëzit dhe mallrat
• Kurti në Forumin e Prespës tha se Minishengeni Ballkanik nuk ka vizion për rajonin