Ushtria iraniane: Rreziku i luftës rajonale është rritur pas sulmeve amerikane

Zëdhënësi i komandës së lartë të përbashkët ushtarake të Iranit, Shtabit Qendror Khatam al-Anbiya tha se rreziku i një konflikti rajonal është rritur pas sulmeve të SHBA-së ndaj Iranit këtë fundjavë.

A gjithashtu dënoi provokimet e përsëritura dhe veprimet destabilizuese të Shteteve të Bashkuara. Sipas tij bashkëpunimi i disa vendeve në rajon ka rritur gjithashtu rrezikun e përhapjes së luftës në të gjithë rajonin.

“Ushtria e Iranit do t’i përgjigjet me vendosmëri çdo ndërprerjeje ose kërcënimi ndaj kalimit të anijeve tregtare dhe cisternave të naftës nga SHBA-ja,” tha ai duke shtuar se Trupat e Gardës Revolucionare Islamike, IRGC të vendit e kanë demonstruar këtë ditët e fundit.

“Udhëheqësit e vendeve në rajon paralajmërohen se çdo bashkëpunim me Shtetet e Bashkuara ose mbështetje logjistike për ushtrinë e tyre do të konsiderohet si një akt lufte kundër sovranitetit dhe sigurisë kombëtare të Iranit”, tha ai.

“Nëse konflikti zgjerohet, flakët e luftës do të përfshijnë të gjithë rajonin”, shtoi ai.