Zelensky flet për kabinetin e ri qeveritar: Detyra kryesore garantimi i sigurisë, do ketë ndryshime me partnerët

Presidenti ukrainas Volodymyr Zelenskyy ka vlerësuar përvojën e kryeministrit të ri Serhiy Koretsky në sektorin shtetëror të energjisë, duke e cilësuar atë si një nga pikat e tij më të forta në drejtimin e qeverisë së re.

Duke komentuar fillimin e punës së kabinetit të ri, Zelenskyy tha se Koretsky ka sjellë ndryshime në kompaninë “Ukrnafta” pas periudhës së kontrollit oligarkik. Sipas tij, përvoja e kryeministrit në menaxhimin e kompanive energjetike është një avantazh i rëndësishëm për përballimin e sfidave të ardhshme.

Kreu i shtetit ukrainas përmendi gjithashtu përballimin e vështirësive nga kompania “Naftogaz” gjatë dimrit të kaluar, duke theksuar se, pavarësisht sulmeve ruse, Ukraina arriti të sigurojë furnizimin me gaz.

Zelensky nënvizoi nevojën për përgatitje të plota për dimrin e ardhshëm dhe për rritjen e investimeve në kapacitetet afatgjata të vendit, përfshirë forcimin e aftësive ushtarake për të penguar përshkallëzimin e ofensivës ruse.

Ai tha se detyra kryesore e qeverisë së re është mbrojtja e jetëve të qytetarëve dhe garantimi i qëndrueshmërisë së vendit gjatë periudhës së dimrit.

“Por në çdo skenar, Ukraina duhet të jetë plotësisht e gatshme për të mbrojtur jetët, për të mbrojtur njerëzit e saj dhe për të siguruar që dimri të durohet. Kjo është detyra jonë kryesore e përbashkët ukrainase për qeverinë e re. Do të ketë gjithashtu ndryshime në punën me partnerët: nevojitet më shumë shpejtësi në zbatimin e marrëveshjeve”, tha  Presidenti.