Eric Trump përgëzon rojen 16-vjeçar që shpëtoi një fëmijë nga mbytja: Jepini nderin më të lartë (VIDEO)

Një roje plazhi 16-vjeçar është kthyer në heroi pasi shpëtoi një djalë rreth 10 vjeç, i cili u rrëmbye nga dallgët në plazhin Seabright, në Santa Cruz të Kalifornisë.

Pamjet e filmuara nga një pushues tregojnë momentin dramatik kur i riu hidhet në detin e trazuar për të arritur te fëmija, ndërsa dallgët e forta e kishin tërhequr larg bregut.

“Valët i kapën shumë njerëz në befasi. Fatkeqësisht, ky djalë u rrëmbye brenda pak minutash”, tha Scott Vander Dussen, i cili regjistroi videon e shpëtimit.

Në operacionin e shpëtimit u përfshinë edhe notarë të tjerë, si dhe një roje i dytë plazhi, i cili u fut në ujë për të ndihmuar në nxjerrjen e fëmijës në breg.

Videoja u shpërnda gjerësisht në rrjetet sociale dhe u ripostua edhe nga Eric Trump, i cili shkroi: “Jepini këtij roje plazhi 16-vjeçar nderin më të lartë. Ai është vërtet më i miri i Amerikës! Bravo!”

Sipas New York Post, rojet e plazhit në Santa Cruz i nënshtrohen një trajnimi intensiv, që përfshin të paktën 56 orë trajnim si roje plazhi, 24 orë trajnim për certifikim mjekësor dhe mbi 80 orë trajnim për sigurinë në det.

“Jam i lumtur që përfundoi kështu. Jam i sigurt se, nëse rojet e plazhit nuk do të kishin qenë aty, fëmija nuk do të ishte kthyer në shtëpi atë natë”, u shpreh Vander Dussen.

One of the most incredible lifeguard rescues you will ever see. pic.twitter.com/Uo9Y7uUTRS

— Breaking911 (@Breaking911) July 27, 2026

Give this 16-year-old lifeguard the highest civilian honor. This is truly the best of America! Well done! pic.twitter.com/Pq99xNK6WI

— Eric Trump (@EricTrump) July 27, 2026