Përgjimet e SPAK për kryebashkiakun e Vaut të Dejës, prokurori Prençi: Çfarë pune i kreve? Përgjigjet Shkreli

Detaje të reja janë zbardhur nga dëshmia e kryetarit të Bashkisë së Vaut të Dejës, Kristjan Shkreli si dhe nga përgjimet telefonike gjatë komunikimeve të tij me banorë lokalë dhe punonjës të OSHEE-së.

Gjatë dëshmisë në seancë, prokurori i SPAK-ut, Dritan Prençi i ka lexuar të pandehurit disa nga transkriptimet e bisedave të siguruara nga hetimi, ku ngrihen dyshime për ndikime dhe premtime në kuadër të fushatës elektorale.

Sipas dosjes hetimore, në një prej komunikimeve të transkriptuara, kryebashkiaku dëgjohet t’i thotë një qytetari: “Të martën e ke të kryer, veç shih mos po na vonon, veç për Tomën, zjarr! Si me qenë për mua, ua di për nder.”

Prokurori Prençi e ka pyetur drejtpërdrejt të pandehurin mbi kuptimin e kësaj bisede, si dhe për një tjetër fragment ku Shkreli shprehej: “Nuk e presim dot shtetin se shteti e ka në terezi” dhe “Sot më sollën preventivin”.

I pyetur nga prokurori se çfarë punësh kishte kryer dhe çfarë nënkuptonte me këto deklarata, Shkreli ka pretenduar se bëhej fjalë për batuta dhe se po kërkonte që në një miting të merrnin pjesë sa më shumë persona.

Pas dëshmisë u vendos që seanca të shtyhet per konkluzionet përfundimtare. Seanca e radhës do të mbahet më 17 shtator ora 10:00 ku SPAK pritet të japë pretencën.

Pjesë nga diskutimet:

Prokurori Prençi: Si i pandehur, janë disa biseda në celular ku i ke thënë: “Të martën e ke të kryer, veç shih mos po na vonon veç për Tomën, zjarr! Si me qenë për mua, ua di për nder.” Për çfarë flitet në përmbajtjen e kësaj bisede?

I ke thënë në celular: “Nuk e presim dot shtetin se shteti e ka në terezi.” Çfarë ke dashur të thuash? “Sot më solllën preventivin”, i ke thënë. Çfarë pune i kreve?

Shkreli: E kam thënë si batutë për t’i mbushur mendjen që këtë problem po e zgjidh unë. Fjalën “zjarr” e kisha që te mitingu i Tom Doshit të vinin sa më shumë njerëz.

Prokurori Prençi, lexon të tjera biseda të transkriptuara nga përgjimi i kryebashkiakut gjatë komunikimeve me banorët dhe punonjës të OSHEE-së: Ke folur me Franga Kolën dhe i ke thënë: “Aty është katërshja e mbyllur…”