Varianti Delta rikthen kufizimet në Katalonjë, shtohen të infektuarit në Greqi

Përhapja e variantit Delta vijon të shkaktojë shqetësim tek autoritetet në shumë shtete. Rajoni spanjoll i Katalonjës po rivendos kufizimet, pas rritjes së numrit të të infektuarve.

Nga kjo fundjavë, lokalet e natës do të mund të hapen vetëm nëse ofrojnë shërbim në ambientet e jashtme.

Po kështu, në të gjitha aktivitetet ku lejohen më shumë se 500 njerëz, pjesëmarrësit do të duhet të dëshmojnë një test negativ COVID-19 ose provë të vaksinimit.

Edhe Greqia ka raportuar një rritje të infeksioneve të Covid-19, pasi rënia e të infektuarve pak javëve më parë nxiti autoritetet të hiqnin edhe kufizimet.

Por, me 38% të popullsisë greke të vaksinuar plotësisht, duket se ka më pak alarm pasi shumë nga rastet e reja të testeve pozitive janë të rinj, të cilët mendohet se kanë më pak gjasa të sëmuren rëndë.

Ndërkohë në Stamboll njerëzit tanimë janë në gjendje të shijojnë një shëtitje në park për herë të parë që kur kufizimet u hoqën në 1 korrik.

Por, lehtësimet e kufizimeve vijnë ndërsa autoritetet në tre provinca identifikuan tre raste të variantit të ri Delta Plus.

LEXONI GJITHASHTU:

• Britania e Madhe lehtëson kufizimet teksa rriten rastet me variantin “Delta”
• Turizmi ndërkombëtar në kolaps, vaksinimi i pabarabartë rëndon ekonominë globale
• OBSH ngre shqetësimin se grumbullimet për Euro 2020 po përhapin më tej COVID-19