Ambasadori Soreca diskuton me Bashën për sfidat e legjislaturës së re

Ambasadori i Bashkimit Evropian, Luigi Soreca është takuar sot me kryetarin e Partisë Demokratike, Lulzim Basha.

Përmes një shënimi në “Twitter”, z. Soreca thotë se opozita do të luajë një rol të rëndësishëm në legjislaturën e re parlamentare në muajin shtator.

“Bashkëbisedim i gjatë sot midis shefave të Misioneve të Bashkimit Evropian dhe kryetarit të PD, Lulzim Bashës në funksion të legjislaturës së re, ku opozita do të luajë një rol vendimtar”, shkruan Soreca.

Siç thotë ambasadori Soreca, fokusi i bisedës ka qenë situata aktuale politike, integrimi në Bashkimin Evropian dhe ecuria e reformës në drejtësi.

Long exchange today between the #EU🇪🇺Heads of Missions and Chairman @lulzimbasha_al🇦🇱.
In view of the new legislature, where the opposition will play a crucial role, we exchanged views on the current political situation post-elections, EU integration, media and justice reform. pic.twitter.com/sr9mOlK7SN

— Luigi Soreca🇪🇺 (@LSorecaEU) July 7, 2021

Kryetari i Partisë Demokratike, Lulzim Basha procesin e zgjedhjeve të 25 prillit e ka cilësuar jo të rregullt dhe kjo sipas tij ka një përgjegjës direkt, Partinë Socialiste.

Gjatë komunikimeve publike z. Basha është shprehur se PD-ja nuk do t’i njohë zgjedhjet parlamentare dhe ky qëndrim ka shtuar paqartësitë nëse selia blu do marrë pjesë ose jo në sesionin e ri parlamentar.

Kuvendi i Shqipërisë mbajti sot seancën e fundit plenare për këtë legjislature. Shumë prej emrave të deputetëve, të cilët janë kritikuar jo pak për formimin e tyre, nuk do të ulen më në karriget e parlamentit në muajin shtator.

LEXONI GJITHASHTU: 

• Fundi i një Parlamenti të pazakontë, nga djegia e mandateve të opozitës, tek shkarkimi i kreut të shtetit
• Mazhoranca paralajmëron reformë zgjedhore në shtator
• Parlamenti shkarkon presidentin, Meta: Shfaqje për të hequr vëmendjen nga hetimi i krimeve zgjedhore