Shtatë raste të reja me COVID-19 në Shqipëri

Asnjë i vdekur dhe shtatë raste të reja nga COVID-19 janë regjistruar në vend në 24 orët e fundit.

Ministria e Shëndetësisë thotë se infektimet e reja janë identifikuar në Tiranë, Durrës, Devoll dhe Vlorë.

Aktualisht në Spitalin Infektiv shtatë pacientë po marrin trajtim spitalor të specializuar, shifër kjo, e cila tregon se në ditët e fundit është rritur numri i pacientëve që kërkojnë ndihmë nga bluzat e bardha.

Numri i të shëruarve vijon të jetë është më i ulët se rastet e reja. Sipas Ministrisë, katër qytetarë kanë mposhtur virusin duke e çuar totalin e tyre në 130,047, që nga fillimi i epidemisë.

Shpërndarja gjeografike e rasteve aktive sipas qarqeve:
Tiranë            32
Elbasan          12
Fier                 11
Korçë                9
Vlorë                 7
Shkodër             5
Lezhë                 3
Durrës                3
Gjirokastër          1
Kukës                 1.

Si pasojë e epidemisë 2,456 qytetarë kanë humbur jetën, pjesa dërmuese e të cilëve me sëmundje të tjera shoqëruese.

Autoritetet shëndetësore deri tani nuk kanë konfirmuar asnjë rast të variantit “Delta”, por mjekët bëjnë apel për kujdes.

LEXONI GJITHASHTU: 

• Mjeku i njohur rendit shenjat që identifikojnë variantin “Delta” të COVID-19
• ISHP mohon praninë e versionit “Delta” të COVID-19 në Shqipëri