Mirela Cami tregon si do të vijojë procesi i vaksinimit kundër COVID-19

Prej dy ditësh ka nisur vaksinimi pranë banesave të qytetarëve përmes njësive të lëvizshme.

Ministria e Shëndetësisë thotë se qytetarët vihen në dijeni nga mjekët e familjes se makina e lëvizshme do të jenë gjatë një dite të caktuar në zonën e tyre.

Drejtuesja e Operatorit të Shërbimeve të Kujdesit Shëndetësor, Mirela Cami, thotë se në terren janë shtatë njësi të lëvizshme dhe prioritet kanë ata persona që nuk kishin mundësi të paraqiteshin pranë qendrave të vaksinimit.

Ajo u shpreh për Euronews Albania se ky proces do të vijojë përgjatë muajit korrik dhe gusht, ndërsa ftoi qytetarët të mos hezitojnë marrjen e vaksinës mbrojtëse kundër COVID-19.

“Ka pasur interes, sepse e kanë pasur të pamundur të vijnë tek qendrat e vaksinimit, jo që nuk kanë dashur ta bëjnë vaksinën”, tha ajo.

Procesi i vaksinimit shtoi znj. Cami është përqendruar aktualisht tek personat mbi 50 vjeç. Sipas saj, në ditët në vijim do të ketë ditë të hapura të vaksinimit në mënyrë që edhe qytetarët mbi 18 vjeç të mund të vaksinohen.

LEXONI GJITHASHTU:

• OBSH ngre shqetësimin se dyndja e tifozëve për finalen e Euro 2020 mund të përhapë më tej COVID-19
• U infektua njëkohësisht me dy variante të COVID, vdes e moshuara në Belgjikë
• Specialistja e ISHP: Shfrytëzoni këtë periudhë për t’u vaksinuar kundër COVID-19