Problemet e reformës zgjedhore, ekspertët tregojnë se ç’duhet të bëjnë palët politike

Pas vendimit të Gjykatës Kushtetuese, e cila shfuqizoi nenin në Kodin Zgjedhor që rregullon shpërndarjen e mandateve sipas herësit, Partia Socialiste Shqipërisë ka shprehur gatishmërinë e saj për të bërë një reformë të re zgjedhore, por për këtë hap i duhet bashkëpunimi me opozitën.

Përballë moderatores Erla Mëhilli, eksperti i ekonomisë Pano Soko tha se partitë politike duket se nuk kanë dëshirë të hartojnë një sistem zgjedhor të qëndrueshëm përmes të cilit të garantohej paprekshmëria e votës.

“Secila palë ka masën e vet të fajit. Nuk ka një dëshirë për të gjetur një zgjidhje të qëndrueshme që të plotësojë në mënyrë kërkesat të drejtë e sistemit demokratik” tha Pano Soko.

Eksperti i çështjeve zgjedhore, Ivi Kaso tha se Partia Demokratike është e hapur për të diskutuar me Partinë Socialiste mbi hartimin e një sistemi zgjedhor që i përgjigjet kushteve socio-politike të Shqipërisë.

“Ne si pozicion politik jemi të hapur për një diskutim të hapur e të sinqertë për sistemin”, tha Ivi Kaso.

Kurse për Edlira Gjonin aplikimi i herësit për zgjedhjet parlamentare të 25 prillit ka qenë “hajduti” kryesor i votës së qytetarëve.

“Partitë politikë nuk presin përmirësimin dhe nuk kanë menduar për votuesin. Vendosja e herësit, unë e shikoj si tragjedi. Herësi është hajduti më i madh i votës. Shikoni kush e ka thyer herësin në të dyja palët”, tha znj. Gjoni.

LEXONI GJITHASHTU:

• Ivi Kaso: PD është e gatshme që të vendosë bashkërisht në parlament për reformën zgjedhore
• Sistemet zgjedhore që janë aplikuar në Shqipëri përgjatë 30 viteve pluralizëm
• Oerd Bylykbashi: Reformë të thellë zgjedhore, ndryshim të sistemit