SPAK dërgon për gjykim çështjen e ish-kryebashkiakut të Pogradecit

SPAK ka dërguar për gjykim në GJKKO çështjen e ish-kryetarit të Bashkisë Pogradec Eduart Kapri, i cili akuzohet për abuzim me tenderat dhe shpërdorim detyre.

Janë dy akuza që rëndojnë mbi Kaprin dhe pesë punonjësve të tjerë të bashkisë, konkretisht për një tender për blerjen e druve dhe pengimi i zhvillimit të procesit zgjedhor më 30 qershor.

Avdulla Cano, ish-Zv.Kryetar i Bashkisë Pogradec, Nexhmi Torra, ish-koordinator i Njësive Administrative dhe Enkeleida Kllomollari, ish-Drejtoreshë e Qendrës Arsimore akuzohen për abuzim me tendera.

Sipas SPAK, nga hetimet është provuar se këta persona në bashkëpunim me ish-kryebashkiakun e Pogradecit kanë shkelur barazinë e pjesëmarrësve në tenderin e blerjes së druve.

Ndërkaq, Gurali Blaceri dhe Safet Blaceri, të dy ish-punëtorë mirëmbajtës në Drejtorinë e Qendrës Arsimore akuzohen se kanë vënë dryna me çelës në rrethin e jashtëm në tre shkollave dhe një kopshti, institucione të parashikuara për zhvillimin e zgjedhjeve.

Pak ditë më parë, pas hetimeve të SPAK u arrestua dhe kryetari i Bashkisë Lushnjë Fatos Tushe i cili akuzohet për shpërdorim detyre.

LEXONI GJITHASHTU:

• Hetimet e SPAK për abuzimin me tenderat nga 9 zyrtarët: Kompani fiktive dhe ndryshime çmimesh
• PD akuza për mbetjet në Kavajë, Andi Lila: SPAK të veprojë, po luhet me shëndetin e qytetarëve
• Kallëzimi në SPAK, dy kompanitë garuese për tenderin 25 mln € përdorën të njëjtin numër telefoni