Masat e reja në Greqi, liri vetëm për të vaksinuarit nga COVID-19

Kryeministri grek Kyriakos Mitsotakis nënvizoi se do të hyjnë në fuqi kufizime të reja për të ndaluar përhapjen e virusit dhe liri do u jepet vetëm personave të vaksinuar nga COVID-19.

Sipas deklaratës së tij, kjo do të thotë se në ambientet e mbyllura si bare, kinema apo teatro do të lejohet vetëm hyrja e qytetarëve të vaksinuar.

Të shqetësuar nga një valë e katërt e pandemisë, kryeministri grek bëri me dije se vaksinimet kundër COVID-19 do të jenë të detyrueshme për punonjësit e kujdesit shëndetësor dhe stafet e azileve të të moshuarve.

Në të kundërt, shtoi ai, punonjësit e këtyre sektorëve do të pezullohen nga detyra.

Mitsotakis gjithashtu vuri në dukje se është e nevojshme që deri në fund të gushtit të jetë vaksinuar 70 për qind e popullsisë së rritur.

Kryeministri grek paralajmëroi se shfaqja e variantit Delta dhe ngurrimi i disa qytetarëve për t’u vaksinuar përbën një kërcënim të dyfishtë në përhapjen e virusit.

LEXONI GJITHASHTU:

• Greqia shtyn pas 10 korrikut hyrjen e pasagjerëve në Shqipëri përmes portit të Korfuzit
• Varianti Delta rikthen kufizimet në Katalonjë, shtohen të infektuarit në Greqi
• Kufizohet jeta e natës në Greqi pas rritjes së infektimeve me COVID