Aleksandër Çipa: Basha konfirmoi autoritetin kontrollues mbi partinë dhe strukturat e reja

Analisti Aleksandër Çipa u shpreh në Euronews Albania se kryedemokrati Basha me fjalimin e sotëm që mbajti në Kuvendin Kombëtar konfirmoi autoritetin kontrollues mbi partinë dhe strukturat e reja.

“Një konfirmim të autoritetit të tij kontrollues mbi partinë dhe strukturat e reja të saj”, tha ai.

Drejtuesi politik i qarkut të Lezhës, Mark Marku shprehu rezerva mbi strategjinë e Partisë Demokratike, duke shtuar se qasje e z. Basha është e gabuar.

Për z. Çipa, Mark Marku ishte i vetmi zë në Këshillin Kombëtar, i cili listoi çështjet bazike që shqetësojnë Partinë Demokratike të Shqipërisë.

“Mendoj se ishte zëri i vetëm, potencialisht më anti-formal dhe anti-burokratik, në Kuvendin Kombëtar të sotëm të Partisë Demokratike. Zë kritik në çështje konkrete”, shtoi ai.

Gjatë intervistës së tij në Euronews Albania, analisti komentoi deklaratën e sotme të ish-kryeministrit Berisha për shpalljen “non grata” nga DASH, kur tha se avokati po përgatit hapat finalë të padisë ndaj Antony Blinken.

Ai shtoi se z. Berisha në pikëpamjen politike po i bën karshillëk të drejtpërdrejtë Departamentit Amerikan të Shtetit.

Ai shtoi se z. Berisha në pikëpamjen politike po i bën karshillëk të drejtpërdrejtë Departamentit amerikan të Shtetit.

“Në pikëpamje politike, ky është një karshillëk që i bën masës politike dhe vendimit diplomatik që DASH i ka adresuar z. Berisha. Kjo nuk i shton peshë PD dhe nuk i vlen për ardhmërinë e saj”, shtoi ai.

LEXONI GJITHASHTU: 

• Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar
• Kadilli: Shpresoj që ndryshimet në statut të bëhen realitet në Kuvendin Kombëtar
• 35 projektligje që nuk u miratuan, nismat që presin kuvendin e ri, mes tyre edhe amnistia fiskale