Protesta e bizneseve në Vlorë, presidenti Meta dënon sjelljen e policëve

Presidenti Ilir Meta e cilëson të dënueshme sjelljen e policisë së shtetit me pronarët e lokaleve që protestuan mbrëmë në Vlorë për heqjen e orës policore.

Ilir Meta tha se është një e drejtë e qytetarëve që të bëjnë protesta paqësore dhe se dhuna policore ndaj sipërmarrësve dhe qytetarëve që protestuan, është e pajustifikueshme.

Në Vlorë, një pjesë e madhe e lokaleve në shenjë proteste e kanë mbyllur muzikën në orën 22.00 me himnin kombëtar mbrëmjen e djeshme, ndërsa pronari i një biznesi dhe një grua janë shoqëruar në komisariat.

Kujtojmë se sot, Komiteti Teknik i Ekspertëve vendosi për spostimin e orarit kur lejohet muzika me një orë dhe tashmë lokalet do të mund ta mbajnë muzikën ndezur deri në 23:00.

LEXONI GJITHASHTU:

• Gjobitet pronari i lokalit në Vlorë që protestoi me himnin kombëtar kundër orës policore
• Bizneset në Vlorë protestojnë me himnin kombëtar, policia shoqëron disa persona
• Komiteti i Ekspertëve propozon zgjatjen e orarit të lejuar të muzikës nga 22:00 në 23:00