Sekuestrohen mbi 1 kg kokainë në Durrës, arrestohen 4 persona

Policia e Durrësit ka arrestuar 4 persona si dhe ka sekuestruar 1 kg e 63 gr kokainë, 1 armë zjarri, 2 automjete dhe municione luftarake.

Në prangat e policisë kanë rënë Arian Plaku, Edmond Gjyzeli, Ilir Peraj dhe Stavri Marku.

Arian Plaku dhe Edmond Gjyzeli u arrestuan në vendin e quajtur “Nënkalimi i Urës së Dajlanit”, teksa ishin duke udhëtuar me mjetin tip “BMW”.

Brenda makinës Policia sekuestroi lëndën narkotike, si dhe gjatë kontrollit fizik, Edmon Gjyzelit iu gjet në brez një armë zjarri pistoletë me 14 fishkë.

Ky shtetas, gjatë ndalimit të mjetit nga forcat e Policisë, goditi automjetin e agjentëve të Forcës së Posaçme Operacionale me automjetin e tij dhe gjatë arrestimit, tentoi të nxirrte  nga brezi armën e zjarrit.

Ndërsa, Ilir Peraj i dënuar më parë për veprat penale “Vrasja” dhe “Mbajtja e ambienteve për prostitucion” dhe Satvri Marku, u arrestuan pasi janë të dyshuar si të implikuar në veprimtari kriminale.

LEXONI GJITHASHTU:

• Aksident me vdekje në Rrugën e Kombit
• “Gara” me shpejtësi 225 km/h në rrugën Fier-Vlorë, policia 2300 euro gjobë dy drejtuesve
• Ndryshon Kodi Rrugor, masa më të ashpra për tejkalim shpejtësie dhe përdorim të alkoolit